على كثر النهار أعمى على كثر الظلام أشوف
أنا أدري ولا أدري .. من الأول من التالي
أبشحذ همة الميت : وبطلب فزعة المكتوف
ألين أعسف جواد الصدق وأنزل راسه العالي
والآ يا هيه لا تنشد ورى لوني غدا مخطوف
تبرق في وجيه الناس .. أنا ما نيب بالحالي
غرقنا في خطايانا .. وضيع دربنا العاصوف
تلاطم في حشانا ذنوب وشيء صعب ينقالي
وصلت لآخر حدودك يا آخر دربي المسقوف
أبي نورٍ .. أبي شمسٍ .. أبي عمرٍ يتهيالي
وكاد بداخلي شرٍ .. مثل ما بداخلي معروف
عجزت أمد لك نفسي .. وتصفقها ولا تبالي
...
via منتديات ترانيم الأمل http://www.tran33m.com/vb/t176559.html
ليست هناك تعليقات:
إرسال تعليق