فجر الأماني غير وإحكايتك غير
يا هل ترى ؟ للغير باقي مسيره
كنت أحسب الهم ضمن المسايير
أثره مقيم ولا على الأرض غيره
عن السما ي الغيم لا تنشد الطير
أنشد غبار الأرض من يستثيره
واللي بصدري واردات ومصادير
طعون وقتي .. كثر الله .. خيره
ما أقدر أكابر وأدخل الصف وأثير
غيرة أمم ... والطاولة مستديره
أنا كذا : ربي خلقني : كذا أصير
يا شرهة الوقت التعيس الأخيره
أبـ أقتل الأحساس وأغطي البير
وأردم حوانيت القصور الوثيره
قبل يمد الكـأس .. كف المقادير
على القرين اللي مصيري مصيره
ما قلت لك يالهم تصبح على خير
توي بديتك ... يا طويل المسيره
لو ما أنت بأحساسي تعيد الأساطير
طويت صفحات الحيـاة القصيره
شف كيف رزمات الورق والطباشير
وشف كيف تغيب السيوف الشطيره
هنا غيابك ... له على الكثر تأثير
وهناك ... لك في ندرة الشي سيره
وأنا لك الله ما وصلت المحاذير
دمي شرب غيم السما من غديره
صمتي حزن يعني حزن دون تفسير
وشوفي عما وعيون عقلي بصيره
كيف أتبراء منك وأرضيك تقدير
ليه أظلمك والوقت ميت ضميره
خذني معك وأكتب حياتي مشاوير
وسولف لهم عني بكل السريره
أنا كذا : ربي خلقني : كذا غير
يا شرهة الوقت التعيس الأخيره
...
via منتديات ترانيم الأمل http://www.tran33m.org/vb/t173662.html
ليست هناك تعليقات:
إرسال تعليق