وجهي ودقني قدوت اسْمي وعمري

من الارشيف


ياصويحبي ماني مع الناس وجهين
,,,,,,,,,,,,,,, وجهي ودقني قدوت اسْمي وعمري
لاني من اللي يعطي الكره والشين
,,,,,,,,,,,,,,, للصبر حدْ وصبر ليا حدّ قهري
ولاني من اللي واجه العسر باللين
,,,,,,,,,,,,,,, مَجامل المخطي ضحك كان تدري
احدن على الكايد وواجه بسنّين
,,,,,,,,,,,,,,, وحدن قضى عمره ويخضع لقدري
اللي عطاني شينته ناس ناهين
,,,,,,,,,,,,,,, امنع خطر حياتهم فور هجري
واللي عطاني زينته ناس صاحين
,,,,,,,,,,,,,,, ضيّفتهم مجلس مداهيل صدري
ضيفان في قلبي وللطيب ضارين
,,,,,,,,,,,,,,, وبالبيت مجلسهم ، دلالي وعطري
طيب النشاما فارضه بالعناوين
,,,,,,,,,,,,,,, وحيل السمينة فارضه راس فخري
واللي خلق شعلان رحّبت بلفين
,,,,,,,,,,,,,,, شعلان بن جاري أبدّيه حصري
ما شفت في مثله حضر أو بداوين
,,,,,,,,,,,,,,, من دون قاصر ورْج قولي وعذري
دونت لي طاروق من فكريَ الحين
,,,,,,,,,,,,,,, دوّن حروفه صمّ ريشي وحبري
وختامها ماني مع الناس وجهين
,,,,,,,,,,,,,,, وجهي ودقني قدوت اسْمي وعمري

وجهي ودقني قدوت اسْمي وعمري