سلام عليكم
تقريبا الساعه 2 ونص اليوم طرح هالقصيدة فمنتدى آخر شاعر احبه
واتابعه اسمه برد ودفا
واليكم قصيدته لي وردي عليه
عسى تعجبكم
:
:
السلام عليكم وأسعد الله اوقاتـكم بـكل خير ..
قصيدة مناسبـتها إن المعتفس اليـوم يسألني
وش الجـديـد لي بالشـعر ..
فـ كتبت هذي الابيـأت ...
تـنـشـد عـن الـجـديـد يـا طـيـر قرناس
كـنّـك شـعـرت ابخـاطـر(ن) قـد بـدالـي
كـم لـيـلـة(ن) والبـال غايب ومحتاس
والحـبر لـيـلـه بالــدفـاتـر عـدالـي
يـكـتـب شـطـر بـيـتـه يـغـنّـي للاحساس
واحـسـاس شـعـري ذايـب(ن) في الـخـيالي
مـع اشـهـب الـلال اجلـس وقـلت لا بـاس
دامــه خــطــف مـنّـي بـقـايـا زوالـي
أقـفـى ومـن يـمـنـاه وقـّع لـيَ اليـاس
كـفّ الـهـجـر صـفـّق يـميـني ابشمـالي
جـرّح يـديني شـخـص مـن جـمـلـة الـناس
اغـلـيه لـو مـا عـاد يـبـقـى قـبـالي
حـطّ ابـكيان الـشـعـر بـركـان قـبّـاس
وبـرمـج رقــم ســرّي لِـجــابة سـؤالـي
عـطّــش حـروف(ن) داخــل الـبوك يِـبّـاس
هـو الـوحـيـد الـلـي يـصرّح مـقـالـي
يـصير لـه بـيـت الـشـعـر نبض حـسّـاس
ويـصـيـر لـي حلـمٍ(ن) صعـيـب المنالـي
يـالمـعتـفـس مـن قـالِ لـك أنـت عفّـاس
هيـضّـت قـاف الـشعـر طـوع ابـمـجـالـي
بـرد ودفــا
ردي عليه
متواضعة لاترتقي لرائعة برد ودفا
لكنني على ثقة بأن صدوركم ستتقبلها كما هي
خصوصا برد ودفا
"
برد ودفا عوايدك نظم الالماس
قصايدك بالجزل دايم تلالي
اعداد ماقد لاعب الورد نسناس
صح الله لسانك من اول وتالي
جاوبتني بضيقه تشارك الانفاس
وآسف إذا نقض جروحك سؤالي
ون كان تبغى العلم ياطيب الساس
لاتتبع المقفي ولو كان غالي
ولاتذرف الدمعه على فقد هلاس
الدمع يهدر كبرياء الرجالي
اوئد هوى مرخصك مابين الاقواس
او ارمه ودوسه بصدر النعالي
ودور على غاده لها قلب واحساس
لاقادتك ماتقودك الا لعالي
لاحبتك تغنيك عن ساير الناس
ماهمها الا شوفتك دوم سالي
ون كان ماعينت غادتك لاباس
حتى انا ماصدت بنت الحلالي
لو هو صحيح الناس ياصاح للناس
ماكان ذا حالك ولا ذا بحالي
المعتفس
دمتم :21:
برد ودفا +المعتفس
ليست هناك تعليقات:
إرسال تعليق