فاتن تحبيني ؟؟

فاتن تحبيني ؟؟

[

align=center] فاتن تحبيني ..؟! إذا قلتي نعم ..قومي اسمعي .. طارت عصافير وتصالح حزني الباقي معي .. حنا سوى .. من يوم ربّتنا حواري الذاكرة .. ماهو هوى .. يمكن خلود ..!! ( إلا جنانْ ..) لو قلت لك .. اني تحرّيتك مطر .. وإن المسافة بيننا أكبر من إحساس السطر ... ماهو هوى .. إلا هوى و ما أروعُهْ ..! غيمة حنين وأمهات واختيارْ .. صدفة تواريخ وقرارْ ..! كِنُّهْ مسافر .. مرّ من جنب القطارْ وسافرت روحه معُهْ ! ) فاتن تحبيني .. ؟! إذا قلتي نعم .. هيا معي ...! فاتن .. مسا صوتك معي طول الطريق أواعده دربي ويحفظني صديق ... ! لو قلت لك ... اني أحبك .. لآخر أنفاس الصدى .. وإني اشوفك لي مدى .. قلتيلي .. وربّي ( جنانْ ) ماهو جنان .. إلا هوى .. يشبه حنان الأمهات ... ترقص له غصون الليالي أغنيات .. إلا هوى .. واحنا سوى .. نجمع من الشارع كلام ... مع بعضنا .. نب نحتفل في كل عامْ ... في نفس ها اللحظة انولدنا وانولد فينا الهوى ..! فاتن تحبيني ..مدام إنا سوى ..) ..؟! فاتن تحبيني ..؟ إذا قلتي نعم قلبي خفق صرنا سما زرقا ونجمات وألقْ قرية شفق! فيها ينام الناس حيل ويحلمون لو يعلمون إنّي أنا وانتي تلاقينا ظلال وفرقتنا الأغنيات قلتي تعال.. وقلت يكفي الذكريات والحين صرنا ألف ظلّ وألف ظلّ ألحين لا قلتي تعال أجيك بعضي فيك كِلّ . ونتفق .. فاتن تحبيني ... إذا قلتي نعم .. ما نفترق ..! فاتن تحبيني .. إذا قلتي نعم داخ الكلامْ ..! من كم عام ...! في نفس هاللحظة ..تلاقينا سوى بين الغيوب .. كلّ الدروب .. اللي تعدتنا هوى .. كانت تودي للغروبْ .. الحين .. واحساس الشوارع كلها .. في دهشتي ... فيني ذهول ابلهفتي .. قولي نعم ..! فاتن تحبيني ...؟! وكل اللي سبق حضنك ألم ..! فاتن .. تلعثم قلبي بوصف الشجون فيني جنون .. قولي أحبك واسمعي أحلى نغم ... فاتن تحبيني .. مدام انك معي ؟!! فاتن تحبيني ؟! تقولي لي .. هنا انتي وانا .. كنا نزفّ الريح .. في شارع حزين ..! كانت حكايتنا .. حنينين .... .. ! وآنا ..(هنا ) ... أجمع من غيابك حضور ... واروِّج أوهامي شعور .. وأنتظرْ ...! جيتي مطرْ ... جيتي مسافة .. بين عيني والنظر .. جيتي.. من غيابك قدرْ .. ( يا فاتنة .. ياساكنة فيني وفيني ساكنة ) قولي هنا ... بين الضلوع .. وتحت ( تفاح ) الربيع .. خايف أضيع .. فاتن تحبيني .. إذا قلتي نعم ..ذاب الصقيع ..! فاتن تحبيني ...؟! إذا قلتي نعم .. فاح العبير ...! جُن الظلام وصارت انفاس المسا شمعة ضرير ...! فاتن تغيبتي كثير .. ! الليل من حولي سرير .. بس السما صارت غطايْ وانتي معاي ... كانت دقايقنا حرير وكانت حقايقنا مصير ... وينك تأخرتي .. وماعمرك تعثرتي حنين..! أدري .. شربتيني بعد كوب العصيرْ .. ! .. وآنا هنا ... اشرب عصير الوقت .. فغيابك حزينْ ..! فاتن تحبيني ..؟! اذا قلتي نعم لازم تجين ..! فاتن تحبيني ..؟! إذا قلتي نعم ( طاح الحطب ) ..! ماهو عتب بس الشوارع كلها تسأل عليك ... يانايمة عن شوق لوّح للنهارْ .. قومي نحب .. الدرب في صوتك مدار .. والوقت حبْ .. ! حلمك بخيلْ .. وآخره جيتك وَله .. ليلك طويل .. وكنت لك من أوَّله يا نايمة .. يادايمة ..في بال شاعر ماينام .. فيك السلام وصوتك يربي الحمام ...! هيامعي .. كل الشوارع تسأل عيوني دموع .. فيني رجوعْ ... لأول الليل الحنونْ لبحَّة انفاس السكونْ .. بآهتك فاتن تحبيني إذا قلتي نعم .. خلّكْ على كيفك ... ( ونامي براحتك ) .. فاتن تحبيني ..؟! إذا قلتي نعم .. زاد الحكي .. لو نشتكي .. من وحشة الدنيا .. وذنب الطيبين .. ضج الحنينْ ... وصار صوتي ليلكِي .. فاتن صباح الحب والورد الندي .. لا يا بعدي .. ! لاتجزعينْ .. كل السنين .. اللي تبقّتْ .. فرحة الوقت الحزين يَدْكِ افــ يدي .. فاتن .. سمعت ببحتكْ همَّ الفرحْ ... لو ينجرحْ .. طيب .. ويغدربه صديق .. ! لازم تضيق .. لـ اكنّْ صدري فسحة عيونك وطن .. فاتن تحبيني .. فاتن تحبيني ..!؟ إذا قلتي نعم وش ننتظرْ ...؟! ودي أكحّل بك عيون الأغنياتْ وأنتفضْ ..! لو ينشطر .. حرفي وحرفك .. كلنا صرنا بَعَض ..! فاتن .. مساك انتي لحالك والصديق المنبهرْ .. كل الحياة مهاجرةْ .. في غيبتكْ ..إلا الشعر ..! لكنك أكثر من قصايدنا .. وأعذب صوتنا .. كنك سحابة والمطر فيها أنا ..! فاتن .. مسا صوتك حزين ويعتذر ..! كن الصدى ْ .. من غير ضحكة صوتك الغض انكسرْ ..! لاتعتذرْ .. لاتنقهرْ .. ياصوتها يااجمل قصايدنا جميع .. يا بيتها .. يا أول عصافير الربيع .. فاتن تحبيني .. إذا قلتي نعم .. ( وشلون أضيع ) ..! ؟ فاتن تحبيني ... وتاخذني سنين الذكرياتْ .. وشلون مرّت .. قبل ما اشوفك معي ... فاتن تحبيني ؟! إذا قلتي نعم .. هيا اسمعي ..! الوقت فغيابك مدى .. والصوت من بعدك صدى ... وآنا ثقييل ..! يا طيّبة .. ياقريّبةْ .. يا ساكنة روحي بحلم المستحيلْ ..! قصّرت بك ليلي .. وطوّلتكْ حنانْ .. ما هو ( جنانْ ) .. انتي الامان .. ْ بس العيون اللي تعّدتنا.. أذى ..! أبغى انثر إحساسك شذى .. وأبغى أسافر بك بعيييييدْ ..! ياللي تحبيني .. ورا حزني العنيدْ .. قومي اسمعي .. فاتن تحبيني ..؟! إذا قلتي نعم ..خلك معي فاتن تحبيني ؟! وتسحب لحظة غيابك من لساني كلام ..! قلت لصديقي .. فاتن احساس المدينة بالسلام ... متكوّتة من كل شيء ..! من شعري الدافي .. ومن رعشة يدي.. من اسمي ( الوافي ) .. ومن حرفي الندي .. من طينها .. من زينها .. من جسمها .. من اسمها .. من صدفة الأقدار في ضحكة ( غدي ) ..! 0 0 0 فاتنْ ..ترى سولفت عن وجهك كثير ..! لما .. سألني : ( هي جميلة ؟ ) كنت اقول : ( حتى القمر .. غابت عنه نصف الشهرْ ..! فيني قهرْ لو شافها .. يخسف .. وينتابه ذهول ) 0 0 0 فاتن تحبيني ؟! إذا قلتي نعم .. بـ يفتّح النوّار في كل الفصول ..! فاتن تحبيني .. إذا قلتي نعم هاتي يدِكْ أبسعدِكْ .. وشلون ..مثلك نقدر إنا نوعده وشلون واحساسي هديّة مولدُه ..؟! ( تيّب ) .. أقول شلون اسافر بك بعيد .. لأول أطراف السما نشرب ظما نعطش شجون وذكريات .. ونشتري ( تلّة ) فرح .. والا أقولك .. بيت في غيمهْ .. وواجِهْته ( قُزح ) ..! هاتي يدِكْ يااارب .. وشلون أوعدِكْ .. إني بسافر بك حياة .. وانك لإحساسي مداه .. وانك ( وأنا ) نسمة هنا فاتن تحبيني إذا قلتي نعم .. صرنا ( هنا ) فاتن تحبيني ..؟! وكانت ( لخمة ) الشارع حضورْ ..! صار المكان بضحكتك .. عذب العبور ...! إن قلت أحبك .. صار حبك ( تمرة ) الصايم .. وتاريخ الشعور ..! لاتحاولين .. ! تدرين قبل الليل .. عن سر الفتور ..! فاتن تحبيني .. سألتك من زمان وما تحرَّيت الجواب بــــــــ..ـربكتي ..! يمكن بغيت أفتح معك باب الحكي ..! ويمكن لقيتك أكبر من البوح لاصرتي معي .. قومي اسمعي : يا ظالمة في فتنتك .. يا نايمة في رقتكْ .. وش أحتري ما ابغى ( اشتري ) أبغى فطوري رفقتكْ ..! فاتن تحبيني .. إذا قلتي نعمْ .. يكفيني أفطر ضحكتكْ . ..! فاتن تحبيني ..؟! ويجمعنا حنان .. ابسمعكْ .. لو المكان .. اللي انوصف في آهتكْ .. والا حكايتنا زمانْ .. اللي بغلطة فاتِتكْ .. صارت أمانْ .. يمكن حضنتك .. وابتدى عمري معكْ ..! يا فاتنة ..حد الجنون يالابسة ثوب السكونْ .. ابغى اسكنك ..وابغى احضنك .. وابغى اتبعكْ ..! ظلك طويل وليل شوقي يلحقه ..! ( هذا الشقي ! ابغى اخنقه..! ) فاتن .. من الليلة بقي .. ذوْبَ الكلام .. فيني سلام .. فيني ( بَعَض عشق الحمام) 0 0 0 فاتن تحبيني ..؟! إذا قلتي نعم داخ الظلامْ ..! فاتن تحبيني .. إذا قلتي نعم .. لا تسكتين ..!ّ قولي تعالْ .. فيني حنينْ ..! الوقت فــ...ــغيابك دهرْ والنوم من بعدك سهرْ .. فاتن تأخَّرتي .. وفالشارع زحامْ.. صمتكْ حرام ..! مدي يدي لليل .. صايم سفرته صوتك .. قبل وقت الغروب ..! كل الدروب .. اللي مشيناها سوى واللي عرفناها هوى .. كانتْ شحوبْ ..! فاتن .. وما غيرك طريق ...! فيني صديقْ.. ودي أسولف لك عن احساس الحياة بغيبتكْ ...! وودي تشوفين اش كثر اصووون باحساسي .. وفاك وطيبتكْ ..! فاتن تحبيني .. اذا قلتي نعم لاتسكتين انا ..بعَد فيني حنييينْ ..!

[/align]

via منتديات ترانيم الأمل http://www.tran33m.org/vb/t173562.html